سیاسی مخاصمت کو لے کر بھوکر میں ضعیف شخص کا قتل

ناندیڑ: ۱۷؍اکتوبر (اعتماد نیوز)بھوکر کے لاگ لود علاقہ میں سیاسی مخاصمت کو لے کر ایک شخص کے ساتھ مارپیٹ کی گئی جس میں اس کی موت ہوگئی ۔ ملزموں کے خلاف قتل کا مقدمہ درج کیا گیا ہے ۔ پولس اطلاع کے مطابق لاگ لود کے رہنے والے سمبھاجی اگلے واڑ (۴۵سال ) کو گزشتہ شام گاؤں کے ہی رہنے والے کشور کدم ، اشوک کدم ، شنکر کدم ، مادھو کدم ، سریش کدم ، شیواجی کدم ، پروین کدم ، پرمود کدم ، پورن آنند کدم ، ان لوگوں نے گرام پنچایت چناؤ کے پرانے جھگڑے کو لے کر



مارپیٹ شروع کی ۔ اسی دوران سمبھاجی کے والد مادھو اگلے واڑ (۶۵سال ) وہاں آئے اور انہوں نے جھگڑا مٹانے کی کوشش کی مگر ملزموں نے مادھو اگلے واڑ کو بری طرح مارا جس سے ان کی جگہ پر ہی موت ہوگئی ۔ سمبھاجی اگلے واڑ کی شکایت پر مذکورہ (۹) ملزمین کے خلاف مارپیٹ اور قتل کا مقدمہ درج کیا گیا ہے ۔ چونکہ اگلے واڑ کا تعلق ایس ٹی طبقہ سے ہے اس لئے پولس نے ملزموں کے خلاف ایٹراسٹی ایکٹ کے تحت بھی معاملہ درج کرکے اس واقعہ کی تحقیقا ت اسسٹنٹ ایس پی یوگیش کمار کو سونپی ہے ۔